Problemi është të reduktohet emetimi i gazrave të makinës, por pa e rënduar shumë portofolin. Për të ruajtur ekuilibrin ndërmjet tyre, Suv-i japonez e vë theksin tek mild hybrid. Ky bëhet opsioni unik në katalog
NJË TURBO E SHKATHËT
Motori 4-cilindërsh turbobenzinë me 127 kuaj fuqi nuk ka asgjë të keqe, kjo falë edhe ndihmës së mild hybrid që jep një moment përdredhës maksimal prej 235 Nm në 2000 xhiro të motorit. Furnizimi është i ngjeshur dhe i dendur duke filluar që nga regjimi i ulët i punës, ku përftohen edhe 50 Nm nga sistemi elektrik dhe qëndron i rregullt deri në zonën e kuqe të xhirove.
SHKATHTËSIA E KËTIJ MODELI
Cili është sekreti i Vitarë-s? Pesha e lehtë, një 4×4 peshon 1.245 kg. Timoni është reaktiv si në momentin e nisjes, edhe në ndryshimin e drejtimit. Makina është komforte dhe siguron një rendiment të mirë. Po ashtu edhe sistemi i frenimit është OK.
DREJTIM I ASISTUAR
Tërësia e pajisjeve të këtij modeli është e cilësisë së lartë dhe përfshin një gamë të tillë si: frenimi automatik në raste emergjence, paralajmërimi në rast parakalimi, ruajtja e korsisë, njohja e sinjaleve rrugore, kontrolli i këndeve të errëta (edhe në indietro), kontroll aktiv cruis si dhe fenerë të rinj Led.
NJË ZEMËR, TRE FUNKSIONE
Një gjenerator startues Belt (1) ndez motorin, furnizon momentin përdredhës dhe bën punën e alternatorit. Është i lidhur me një bateri litiumi (2) nën sediljen e pasagjerit dhe me një transformator DC/DC (3), që e ndryshon tensionin nga 48 në 12 volt, për të ushqyer gjithë sistemet e makinës. Wltp mesatare: ndërmjet 5,7 (2WD) dhe 6,4 1/100 km (4WD këtu poshtë është çelësi për të zgjedhur tipin e traksionit).