Një linjë elegante, shumë teknologji dhe një V8 benzinë me mbi 500 kuaj fuqi. Këto janë disa karakteristika të serisë së tretë të Suv coupé të Mynihut. Një makinë që në rrugë ecën mirë, pavarësisht peshës dhe dimensioneve
Edhe më parë, modeli BMW nuk mund të kalonte në rrugë pa u vënë re, aq më tepër tani që versioni i ri është bërë më i gjatë dhe më i gjerë (respektivisht 26 dhe 15 mm më shumë). Ndërsa lartësia është ulur me 6 mm. Pa folur pastaj për rrotat 22 inç si dhe për pjesën përpara ku dopio grilat kanë dimensione të mëdha. Ato harmonizohen mirë me fenerë të rinj lazer që japin një impakt gati skenik. Ekziston gjithashtu mundësia (sipas kërkesës) që ato të shkëlqejnë, falë një sistemi të bërë mirë. Kabina ka më tepër hapësirë falë një pjerrësie më të madhe të mbajtëseve përpara (+2 gradë) dhe rrjedhimisht të xhamit si edhe rritja e hapit me 4 centimetra. Në pjesën e pasme dallojnë fenerët e rinj më të hollë, një sipërfaqe e pjerrët aerodinamike e bollshme si dhe shkarkues gazrash të mëdhenj për ti dhënë forcë bishtit të makinës. Në pjesën e brendshme, modeli X6 paraqet ato elemente që tashmë janë parë në modelin e fundit të BMW-së. Kroskoti i orientuar drejt shoferit dominohet nga dy ekrane të mëdhenj 12,3 inç. Një prej tyre është për instrumentat dhe tjetri për sistemin multimedial. Të dy ata i japin jetë një sistemi Live Cockpit-i. Motori V8 e këtij versioni është një forcë e vërtetë e natyrës dhe jep 530 kuaj fuqi. Në rrugë realizon rendimentin e një makine të vërtetë sportive dhe ka një rezervë fuqie të aftë për të dalë nga çdo situatë e vështirë.
MË SHUMË MOMENT PËRDREDHËS MBRAPA
Akordi me kambion automatike me 8 marshe është perfekt dhe sistemi xDrive kujdeset për të transferuar momentin përdredhës maksimal nga njëri aks tek tjetri sa herë që është e nevojshme. Në kushte normale ngjitjeje, pjesa më e madhe e kuajve fuqi kalon tek rrotat mbrapa. Një gjë e tillë, në saj edhe të diferencialit të pasmë aktiv (M differential), bën të mundur që në kthesa X6 të ketë një zhdërvjelltësi të admirueshme. Meritë kanë edhe amortizatorët aktiv anti-lëkundje si dhe katër rrotat që kontribuojnë për të neutralizuar jo pak masën e madhe të këtij versioni BMW në kthesat e menjëhershme dhe të forta. Por, nëse përzgjidhen modalitetet e një drejtimi sportiv (Sport dhe Sport+), kjo gjë e bën më të keq reagimin e motorit dhe të kambios, por edhe ashpërson makinën. Terreni i zgjedhur për X6 mbetet autostrada ku makina është në gjendje të garantojë ndryshimet e shpejtësisë me komfortin më absolut. Gjatë udhëtimit me këtë model të madh Suv, ndihesh mjaft mirë në bord, i izoluar nga zhurmat e mjedisit të jashtëm si dhe i asistuar nga një sistem multimedial ndër më të kompletuarit dhe efikasët.
M50I
Të dhëna teknike
Motori
- Përpara vertikal
- V8 (90º) biturbobenzinë
- Cilindrata 4.395 cm³
- Fuqia maksimale 390 kW (530 kf) në 6.000 xhiro/min
- Momenti përdredhës maksimal 750 Nm nga 1.800 në 4.600 xhiro/min
Transmisioni
- Traksion integral
- Kambio automatike me 8 marshe
Performanca
- Shpejtësia maksimale 250 km/h
- 0-100 km/h 4,3 s
- Përshkueshmëria mesatare 9,6 km/l
Përmasat dhe pesha
- Hapi 298 cm
- Gjatësia 494 cm
Gjerësia 200 cm
Lartësia 170 cm
- Pesha 2.310 kg
Çmimi
- 107.300 €
