Edhe Suv-i francez trajton çështjen elektrike. Dhe e trajton atë në aspektin e performacës, me një motor hibrid plug-in me 300 kuaj fuqi
ZERO EMETIME
Si të gjitha makinat hibride të karikueshme, edhe DS7 E-Tense mund të lëvizë vetëm me motorët elektrikë dhe bateritë: 58 kilometra autonomi të deklaruar (rreth 45 në realitet) dhe për shumë njerëz mund të jetë efikas për rrugën shtëpi-pune. Më pas nis punën motori termik.
FINITURA
Stili i DS është me të vërtet i veçantë: ose e dashuroni, ose e urreni, nuk ka rrugë të mesme. Cilësia që perceptohet është e një niveli të mirë dhe duket superiore falë modelimit. Është e kuruar edhe në detajet më të vogla dhe kjo ndihmon të duket më ekskluzive dhe jashtë normales.
SI PUNON
Qendra e sistemit hibrid është përzgjedhësi i mënyrës Drive, i cili ka katër modalitete: vetëm elektrike, hibride, sport dhe 4×4. Përkundër masës, makina e nis shumë mirë (0-100 km/h në 5,8 sekonda) dhe nëse ecet me mend, ka konsum të ulët të karburantit. Duhet thënë se 300 kuaj fuqi ta bëjnë drejtimin e makinës më të gëzuar, dhe sigurisht pa humbur asnjëherë rehatinë. Aftësitë e makinës off-road janë befasuese: tërheqje e shkëlqyeshme edhe pa goma të veçanta dhe shpërndarje perfekte e momentit përdredhës maksimal midis dy akseve. Lartësia nga toka 19 centimetra ndihmon në kalimin më të lehtë të pjesëve ku ka gunga. Kambio është e mirë.
PËRMBLEDHJE
Motori
Plug-in Hibrid
Cilindrata
1.598 cm³
Fuqia totale
220 kW (300 kf)
Çmimi
Nga 51.050 €
2 ORË
Kaq është koha e karikimit nga një njësi wallbox me 7,4 kW
INTEGRALE DHE ME DY MËNYRA
E realizuar në platformën Emp2 të Peugeot 3008 dhe 5008, DS 7 E-Tense ka shtuar në motorin Puretech (1) prej 1.6 litrash dhe 200 kuaj fuqi, dy njësi elektrike, një për boshtin para (2) prej 110 kuaj fuqi dhe një për boshtin mbrapa (6) prej 112 kuaj. Sistemi kompletohet me një bateri (4) me jone litiumi prej 13,2 kWh që karikohet nëpërmjet një prize Mennekes (5). Kambio automatike (3) me tetë raporte dhe traksion integral i vazhdueshëm.
MBI 500
Duke bashkuar vlerën e momentit përdredhës të motorit 1.6 benzinë me atë të njësisë elektrike, fuqia e tij mbërrin shumë lart
520
NEWTONMETRO