KOHA KALON, AJO MBETET E VOGËL
Nuk duket, megjithatë kanë kaluar më shumë se shtatë vjet që nga prezantimi i tij. Audi A1, debutuese për herë të parë në mars të vitit 2010 në Gjenevë, është bërë një veterane e vërtetë e gamës së kompanisë gjermane. Dhe, do të jetë edhe më shumë pasi të zëvendësohet nga modeli i gjeneratës së dytë, që do të mund të shihet gjatë pranverës së ardhshme, për të dalë në treg në verën e vitit 2018. Do të ndryshojë gjithçka nën lëkurën e gjermanes së vogël premium, duke nisur nga platforma: ashtu si VW Polo i ri, edhe A1 do kalojë në platformën modulare Mqb A0, që u prezantua fillimisht nga Seat Ibiza, dhe më pas u huazua nga Arona, tashmë është e destinuar për të qenë e pranishme tek të gjithë modelet e vogla të grupit. Kjo zgjedhje do të sjellë përmirësime në kontekstin e hapësirës së shfrytëzueshme (falë një hapi relativisht të gjatë), pa ndikuar negativisht në përmasat e përgjithshme të vetë modelit, duke qenë se gjatësia nuk do të ndryshojë shumë nga ajo aktuale. Bashkëpunimet e brendshme do të shtrihen më tepër edhe në kuadrin e motorëve: priten të jenë versionet e mirënjohur me benzinë TSI 1.0 me tre cilindra dhe motori 1.5 me katër cilindra, përveç motorit 1.6 TDI, në të paktën tre kategori fuqie. Ka mundësi që në një moment të dytë të kthehet edhe varianti sportiv S1, tek i cili pritet të përdoret motori 2.0 TSI i modelit të ri Polo GTI, sigurisht në një version me fuqi më të lartë se ai aktual (i cili ka 225 kf).
Mbërrin elektrikja, A1 SHPËRNGULET NË SPANJË
Pavarësisht paraqitjes, e cila gjithsesi do të ruajë linjën filozofike të modelit aktual (foto lart), versioni i ardhshëm A1 do të ketë shumë pak gjëra të përbashkëta me versionin që i paraprin. Edhe fabrika e prodhimit do të ndryshojë: shpërngulja në impiantin e Seat në Martorell është një mundësi e diktuar nga detajet industriale (impianti katalan është gati për të prodhuar modele në platformën Mqb A0) dhe nga prezantimi në Bruksel i modelit SUV elektrik Audi. Zhvendosja e A1, gjithashtu, mund të shkaktojë efekt të vogël domino, sepse edhe Q3, që sot prodhohet në Spanjë, do të prodhohet në Hungari.
