AutoClub

SHTYN NGA THELLËSITË

Njoftimet nga Volvo, Honda dhe Daimler rihapin debatin për të ardhmen e motorëve termikë, të cilët me të vërtet kanë një të ardhme

Në javët e fundit, tre lajme kanë turbulluar ujin në botën e motorëve. E para ka të bëjë me Volvo që ka njoftuar se do të ndërtojë së bashku me kompaninë mëmë Geely këto motorë termikë për të ardhmen. Kjo e ndjekur nga vendimi që ka marrë tashmë Toyota, ku Honda do të heqë përfundimisht motorët me naftë nga lista e çmimeve. Dhe në fund Daimler që sipas disave, kishte në mendje që të ndalonte së punuari me djegien e brendshme, por në realitet deklaroi thjesht që sapo prezantoi një familje modulare me benzinë dhe naftë, ku në të ardhmen e afërt do të bëjë që ky me naftë të evoluojë. Si për çdo gjeneratë të mëtejshme, do të shohin më vonë. Tani është e qartë se angazhimi financiar i ndërmarrë nga të gjithë në garën për energji elektrike, nënkupton një ulje të pashmangshme të parave të destinuara për motorët konvencionalë. Në rastin e Volvo duhet të konsiderohet gjithashtu se 600 mijë vetura që prodhon, nuk përbëjnë masë të mjaftueshme kritike për të justifikuar investimin për të zhvilluar të reja, edhe pse themelore për ato hibride sipas kompanisë së Goteborg, është që duhet të mbulojnë rreth 50% të shitjeve të saj në 2025-ën. Duhet mbajtur parasysh që Geely shkon në kuotën 2 milion, një shifër që padyshim lejon një shpërndarje më të mirë të kostove të 3 mijë të punësuarve në kompaninë R&D suedeze dhe 5 mijë që kryejnë të njëjtën detyrë për kompaninë mëmë. Përveç kësaj, lind nevoja për të furnizuar markat e përfshira nga aktivizimi i numrit një të grupit, Li Shufu: Lotus, Proton dhe Lynk & Co. Masa e kompanisë Volvo nuk duhet të të befasojë shumë. Para së gjithash sepse, në lidhje me standardet e emetimeve, ndryshimet midis Kinës dhe pjesës tjetër të botës po zvogëlohen, deri në atë pikë saqë ato nuk justifikojnë më tej zhvillimin e zgjidhjeve më ekonomike (edhe më pak të pastër) për gjigantin aziatik.

ELEMENTI HIBRID

Nga ana tjetër, përtej elitës së kufizuar të entuziastëve, mbetet pak për të konsideruar cilësitë e motorit si një faktor themelor diskriminues midis një produkti dhe një tjetri. Edhe në botën premium, është e vërtetë që në fund të fundit askush nuk ka mbushur sytë me lot kur një Mercedes (Classe A) e ka prezantuar veten në publik me një motor me katër cilindra naftë që ishte i lidhur ngushtë me atë të përdorur nga marka kryesore që punon me kosto të ulët, Dacia. Dhe, atëherë është mirë të mendosh që jo e gjithë bota ka të njëjtat nevoja si qendra e Londrës apo Parisit. Kur mendon që ka ende njerëz që kanë nevojë të udhëtojnë në rrugët afrikane ose të kalojnë hapësirat e pafundme të Amerikës perëndimore, të mendosh sot për sot për një të ardhme 100% elektrike, është një utopi e pastër. Ndoshta, zgjidhjet politike (shiko atë që u deklarua kohët e fundit nga Danimarka në BE) mund të përshpejtojnë tranzicionin. Por, është ende herët për ti dhënë fund shufrave lidhëse dhe pistonave. Dhe jo vetëm sepse shërbejnë ato hibride.

Leave a Reply

Your email address will not be published. Required fields are marked *