(PESЁ) DYER TЁ HAPURA DREJT SЁ ARDHMES
PAS dopjetës së Suv me modelet 3008 dhe 5008, Peugeot vazhdon të rinovojë gamën me produktin e tretë të këtij kursi të ri. Modeli i ardhshëm që do të përballet me ndryshimin e gjeneratave do të jetë modeli 508. Modeli i madh francez do të bazohet në forma më atletike dhe më të lidhura mes kabinës e pjesës fundore: pasojë e drejtpërdrejtë e kësaj risie mund të jetë braktisja e formulës me katër dyer, në favor të një serie me pesë, nën gjurmët e modeleve Audi Sportback. I frymëzuar në formë nga koncepti Exalt, i prezantuar në vitin 2014 në Pekin, modeli i ri 508 do të ruajë përmasat e jashtme aktuale, me një gjatësi rreth 4.8 metra. I zhvilluar mbi të njëjtën platformë “të përzier” të modelit DS 7 Crossback (me modul Emp2 për pjesën e përparme dhe kabinë të kombinuar me aksin e pasëm multilink), modeli i ri me pesë dyer, do të ketë motor PureTech turbobenzinë me tre (1.2 litra) ose katër (1.6 litra) cilindra.
Këtu do të debutojë motori i ri 1.5 BlueHDi, i cili synon të zëvendësojë variantin aktual 1.6 litra, edhe në pjesën tjetër të grupit. Mes risive të tjera teknologjike, vlen të përmendet kambio automatike me tetë marshe, motori hibrid plug-in (i cili, megjithatë, nuk pritet të debutojë përpara vitit 2020), si dhe një shtytje e fortë në drejtim të automatizimit: me sistemet stop&go dhe Traffic jam assist të përmirësuar, do të jetë në gjendje të menaxhojë rinisjet në qytet si dhe ndryshimin e korsisë apo parakalimet në autostradë, deri në shpejtësinë 180 km/h.
