- Advertisement -
33.5 C
Tirana
Tuesday, July 16, 2024

FIAT PANDA DHE FIAT 500 HYBRID

Must read

ETEC 2022/ Uniforma Zyrtare e ekipit që do të përfaqësojë Shqipërinë

Uniforma Zyrtare e ekipit që do të përfaqësojë Shqipërinë në Konkursin Evropian Edukativ për Sigurinë Rrugore (ETEC) që do të zhvillohet më 24-27 Shtator...

ETEC 2022/ Shqipëria në Konkursin Evropian Edukativ për Sigurinë Rrugore

Këtë fundjavë do të jemi në Zadar të Kroacisë në Konkursin Evropian Edukativ për Sigurinë Rrugore (ETEC) për të promovuar #SigurinëRrugore te fëmijët. Shqipëria do të përfaqësohet...

ACA organizon për herë të parë “Digital Motorsport Cup”

Auto Club Albania do të organizojë për herë të parë Digital Motorsport Cup, një event që është risi në vendin tonë. Kompeticioni do të...

Cross Car në Shqipëri, ndiqni specialen në TV Klan

Në emisionin e radhës “Jo vetëm modë” në Tv Klan i është kushtuar një kronikë speciale pilotit kampion të Kampionatit Kombëtar të Kartingut 2020,...

Në fakt, mikro-hibrid është termi më i përshtatshëm: prezantimi i parë i dy modeleve elektrike, na siguron se do të sjellë një ulje të konsiderueshme të konsumit dhe emetimeve

Diçka po zihet në qendër të Torinos: nuk është më një “surprizë” siç do të mendonin shumë prej nesh, por prej disa kohësh tashmë dihet që po punohet për një investim të teknologjisë hibride në dy modelet më të suksesshme në Itali. Fiat Panda dhe 500 tashmë kanë një version elektrik: të thjeshtë dhe me një kosto të përballueshme, por kjo nuk i bën më pak efektive. Objektivi: të zvogëlojmë konsumin dhe emetimet, për të pasur një automjet akoma dhe më tërheqës me 70 kuaj fuqi dhe Firefly 1000 dhe mbi të gjitha, për të fituar emërtimin “automjet hibrid pa ngarkesë të jashtme” (emri zyrtar në çertifikatat e regjistrimit).

Kjo nuk është diçka e vogël: në shumë qytete italiane, të kesh një çertifikatë të automjeteve  hibride do të thotë hyrje falas në zonat me trafik te kufizuar dhe qendrat historike, të jesh në gjendje të qarkullosh edhe në ditë kritike dhe të kursesh taksën e pronësisë. Panda dhe 500 kanë përparësi edhe për faktin se janë ndër modelet më popullore në shumë qytete, ku karakteristikat e sistemit rigjenerues qëndrojnë në të dyja versionet. Teknikisht mund t’i quajmë mikro-hibridë, por qëllimi themelor nuk ndryshon nga ai i një hibridi të plotë: për të kthyer energjinë që do të shpërdorohej në formën e fërkimit, do të kthehet në një burim të disponueshëm për çdo kohë. Mungon mundësia për të lëvizur në modalitet krejtësisht elektrik, por kjo është krijim i skemave shumë më komplekse bimodale, të cilat kërkojnë bateri shumë më të mëdha dhe për rrjedhojë, më të shtrenjta. Në rastin e 500 dhe Panda, ndërhyrja konsistonte në pjesët elektrike, vendosjen e një baterie jonike 11 Ah (12V) dhe adoptimin e një moto-gjeneratori që zëvendëson energjinë e alternuar, të vendosura nën sediljen e drejtuesit të menaxhimin dhe rifillimin e Start & Stop dhe gjatë përshpejtimit, i jep një dorë njësisë termike. E gjithë kjo duke tërhequr energji nga bateria, e cila në rrugë urbane ngarkohet mjaft shpejt kur frenon ose ngadalëson. Në këtë mënyrë, 5 kuaj fuqi dalin pothuajse nga askund. Mund të vini re se nuk janë numra të mëdhenj (numrat ‘e vërtetë’ do të mësohen së shpejti, në mënyrë që të dy modelet hibride të prezantohen në Vairano), por duhet marrë parasysh fakti se në këtë mënyrë, drejtimi do të bëhet akoma më i lehtë, sepse përgjigja vjen më herët dhe në mënyrë progresive. Pritet të ketë një lehtësim edhe në benzinë dhe jo vetëm kaq (lexo boksin në faqen 141).

Meqenëse Firefly për nga natyra e saj nuk është e avancuar, në mënyrë që të zvogëlohet më tej konsumi i saj pa humbur gjallërinë, kërkohet një “shërbim i plotë”. Dhe në fakt, këtu kemi shkuar shumë më larg se integrimi i gjeneratorit dhe paketës së baterive. Puna e kryer në kutinë e ingranazheve me gjashtë shpejtësi për të minimizuar humbjet e fërkimit dhe ingranazhi i gjashtë, kanë pësuar përmirësime të mëdha. Duhet pasur parasysh, se njësia me tre cilindra nuk ishte montuar më parë në modelet e Fiat 500 dhe Panda: prandaj kërkonte një vlerësim pothuajse të plotë të montimeve të motorit, aq shumë sa që tani i gjithë motori është 45 milimetra më i ulët se më parë, me një avantazh të caktuar edhe për uljen e qendrës së gravitetit.

THIRRJE PËR KURSIM TË ENERGJISË

Prezantimi mekanizmave 500, me informacione të ndryshme elektrike (rrjedhjet e energjisë, statusi i ngarkimit të baterisë, rikuperimi), ju mëson mënyrën më të mirë për të ulur konsumin, duke shfrytëzuar sa më shumë sistemin e rikuperimit të energjisë. Sugjerohet të lëvizni me 30 km/orë kur ta vendosni në drejtim neutral. Nga ana tjetër, nëse ingranazhi është duke funksionuar, rrjedhja e rrymës nga gjeneratori në bateri kthehet kur lëshohet. Vlen gjithashtu të përmendet se me fikjen e motorit, të gjitha shërbimet dhe sistemet e sigurisë së makinës janë në funksion. Rinisja ndodh automatikisht, sapo bëheni gati për nisje, sepse prania e Bsg (akronimi fillestar për rripin e sigurisë) zvogëlon vibrimet në minimum, pasi nuk funksionon në ingranazhe si ndezja e modelit klasik.

Panda Hybrid vepron në të njëjtën mënyrë dhe sipas Fiat përforcon edhe më shumë uljen e konsumit të karburantit, kryesisht sepse motori i montuar më parë harxhonte më shumë se sa version i fundit i ingranuar në 500. Kështu që çdokush që kalon nga një Panda tradicionale me benzinë mund të shohë uljen e konsumit të karburantit me 30%.

Struktura hibride, e cila bazohet në versionin Cross, të krijon ndjesinë e një automjeti komod dhe më të shpejtë; për më tepër, eksperienca në drejtim është më argëtuese, jo aq e ulët sa në modelin 500 me disa ndryshime të vogla në sedilje. Sa i përket pajisjeve, padyshim që lista e aksesorëve klasikë Panda ja vlen, nuk ka navigator apo sistem infotainment, por mbështetet në telefonin tuaj me një aplikacion specifik që mban nën kontroll parametrat e ndryshëm të makinës.

Me hyrjen në listën e hibridëve, disponueshmëria e motorëve për 500 ndryshon gjithashtu: 1.2 Fire do të jetë i disponueshëm vetëm për versionet me kuti automatike dhe LPG, të gjithë të tjerët do të kenë Firefly. Çmimet për versionet bazë janë të përafërta gjithashtu: Panda kushton 15.100 euro dhe 500 15.150 euro, por ka promovime duke filluar nga 10.900 euro. Në fotografi mund të shihni serinë speciale të lançimit (16.100 euro për Panda, 19.150 për 500) të prezantuara në një ngjyrë tejet tërheqëse. Sediljet ofrojnë komfort maksimal dhe janë krijuar nga plastikë e riciklueshme (90% nga grumbullimi i veçantë dhe 10% nga deti).

 

500 HYBRID

Të dhëna teknike

Motori

  • Përpara horizontal
  • L3 benzinë
  • Cilindrata 999 cm³
  • Fuqia maksimale 51 kW (70 kf) në 6.000 xhiro/min
  • Momenti përdredhës maksimal 92 Nm në 3.500 xhiro/min
  • Sistemi mild-hybrid 12 V, bateria 11 Ah

Transmisioni

  • Traksion në rrotat para
  • Kambio me 6 marshe

Performanca

  • Shpejtësia maksimale 167 km/h
  • 0-100 km/h 13,8 s
  • Përshkueshmëria mesatare 25,6 km/l

Përmasat dhe pesha

  • Hapi 230 cm
  • Gjatësia 357 cm

Gjerësia 163 cm

Lartësia 149 cm

  • Pesha 980 kg

Çmimi

  • nga 15.150 €

 

PANDA HYBRID

Të dhëna teknike

Motori

  • Përpara horizontal
  • L3 benzinë
  • Cilindrata 999 cm³
  • Fuqia maksimale 51 kW (70 kf) në 6.000 xhiro/min
  • Momenti përdredhës maksimal 92 Nm në 3.500 xhiro/min
  • Sistemi mild-hybrid 12 V, bateria 11 Ah

Transmisioni

  • Traksion në rrotat para
  • Kambio me 6 marshe

Performanca

  • Shpejtësia maksimale 155 km/h
  • 0-100 km/h 14,7 s
  • Përshkueshmëria mesatare 25,0 km/l

Përmasat dhe pesha

  • Hapi 230 cm
  • Gjatësia 365 cm

Gjerësia 164 cm

Lartësia 155 cm

  • Pesha 1.055 kg

Çmimi

  • nga 15.100 €

 

FIREFLY MILD-HYBRID

ÇËSHTJE ZEMRE

Firefly 1-litërsh është më i thjeshtë se njësia turbo e 500X dhe Renegade. Çfarë është e nevjshme në veçanti për këtë hibrid: Bsg (1), Belt starter generator, i cili drejtohet nga një PoliV (2) direkt nga boshti. I njëjti rrip përdoret gjithashtu për të fuqizuar kompresorin e kondicionerit (3). Gjeneratori 12 volt jep një fuqi maksimale prej 3.6 kW, rreth 5 kuaj fuqi, gjë që do të ishte e gabuar të shtohej në pjesën termike, pasi ato janë të pranishme vetëm në mekanizma të ulëta. Momenti përdredhës maksimal është 92 Nm me 3.500 xhiro/min.

 

KRAHASIMET

BRENDA NJË VITI KURSENI SHUMË

Në pritje të të dhënave nga qendra e testeve, le të përpiqemi të hamendësojmë se sa kurseni me një hibrid. Dy modelet e reja të Fiat kushtojnë 500 euro më shumë sesa motrat e tyre jo hibride (1.2 Fire), krahasuar me një ulje të konsumit që duhet të jetë rreth 18% për 500 dhe 30% për Panda. Kjo, për drejtuesin mesatar (duke marrë parasysh 10.000 km vjetore dhe një çmim benzine prej 1.587 euro/litër), përkthehet në kursime, përkatësisht 140 dhe 280 euro. Nëse i shtojmë kësaj edhe parkimin falas në Romë (le të supozojmë pesë orë në javë, për një kursim prej 280 euro) ose Zonën C falas në Milano (një hyrje në javë, 260 euro në vit), do të thotë se në vitin e parë nuk kemi harxhuar thuajse asgjë.

Previous articleMCLAREN GT
Next articlePORSCHE TAYCAN
- Advertisement -

More articles

LEAVE A REPLY

Please enter your comment!
Please enter your name here

- Advertisement -

Latest article

ETEC 2022/ Uniforma Zyrtare e ekipit që do të përfaqësojë Shqipërinë

Uniforma Zyrtare e ekipit që do të përfaqësojë Shqipërinë në Konkursin Evropian Edukativ për Sigurinë Rrugore (ETEC) që do të zhvillohet më 24-27 Shtator...

ETEC 2022/ Shqipëria në Konkursin Evropian Edukativ për Sigurinë Rrugore

Këtë fundjavë do të jemi në Zadar të Kroacisë në Konkursin Evropian Edukativ për Sigurinë Rrugore (ETEC) për të promovuar #SigurinëRrugore te fëmijët. Shqipëria do të përfaqësohet...

ACA organizon për herë të parë “Digital Motorsport Cup”

Auto Club Albania do të organizojë për herë të parë Digital Motorsport Cup, një event që është risi në vendin tonë. Kompeticioni do të...

Cross Car në Shqipëri, ndiqni specialen në TV Klan

Në emisionin e radhës “Jo vetëm modë” në Tv Klan i është kushtuar një kronikë speciale pilotit kampion të Kampionatit Kombëtar të Kartingut 2020,...

Auto Club Albania prezanton disiplinën më të re në motorsportin shqiptar, Cross Car

Jeni gati për adrenalinë, spektakël dhe risi?! Automobile Club Albania prezanton një disiplinë të re garash që i shtohet motorsportit në Shqipëri. Bëhet fjalë...