AutoClub

DPSHTRR publikon masat, si të mbrohemi nga COVID-19

Pas një mbyllje thuajse të plotë për më shumë se një muaj e gjysmë për shkak të pandemisë Covid-19, në Shqipëri ka nisur hapja graduale. Nga data 27 Prill kanë rifilluar shërbimet me taksi vetëm për lëvizjet brenda qytetit! Shoferët dhe pasagjerët duhet të respektojnë masat dhe protokollet e sigurisë të ndërmarra në situatën e emergjencës COVID-19! Në njoftimet e saj, DPSHTRR ka bërë të ditur edhe masat që duhen respektuar për të udhëtuar me taksi gjatë kësaj periudhe të vështirë.

 

“Si të udhëtojmë të sigurt me taksi?

🔸 Shoferi dhe pasagjeri duhet të jenë të pajisur me maska, doreza dhe dezinfektant! Të shmangen kontaktet fizike!
🔸 Pasagjeri duhet të ulet mbrapa dhe diagonalisht me shoferin e mjetit. Lejohet vetëm 1 klient në automjet. Përjashtim rastet nga e njëjta familje dhe të shoqërimit me të mitur apo persona me paaftësi!
🔸 Kondicioneri duhet të jetë i fikur dhe ajrosja të jetë natyrale. Dritaret e mjetit të qëndrojnë pakëz hapur!
🔸 Mbuloni gojën dhe hundën me një pecetë ose bërryl kur kolliteni apo kur teshtini. Shmangni prekjen e syve, hundës ose gojës me duar të palara.
🔸 Pas pagesës me kartë/cash, shoferi dhe pasagjeri duhet të dezinfektojnë duart.
🔸 Pas çdo pasagjeri, shoferi të dezinfektojë: timonin, dorezat e dyerve të mjetit, sediljet, rripat e sigurimit, kontrollet e dritareve, butonin e bagazhit, etj.

🔸 DENONCO mosrespektimin e masave të sigurisë: www.dpshtrr.gov.al Mbro veten dhe të tjerët!”, thuhet në njoftimin e DPSHTRR-së.

 

Leje e veçantë për të shkuar në sportelet e DPSHTRR-së

Pagesa e taksave të makinës dhe shërbimet e tjera që drejtuesit e automjeteve janë të detyruar ti marrin në sportelet e DPSHTRR-së, tashmë kanë mundësi që të aplikojnë për një leje specifike vetëm për këtë rast. “Aplikimet për të ardhur te sportelet e DPSHTRR tashmë kryhet nëpërmjet e-Albania! Falënderojmë qytetarët e subjektet për mirëkuptimin në zbatimin e udhëzimeve të reja mbi shërbimet e DPSHTRR nga rihapja e sporteleve dhe për orientimin mes moduleve tona online! Për informacionet më të fundit dhe për çdo asistencë: www.dpshtrr.gov.al”, bën të ditur DPSHTRR në njoftimin e saj më të fundit.

Leave a Reply

Your email address will not be published. Required fields are marked *