AutoClub

RIVALËT NË PASQYRË

Kompania e Shtutgartit dhe Mynihut janë duke luftuar gjithmonë kokë më kokë. Në Sallonin e Frankfurtit rreshtuan në mënyrë simetrike dy modele të së ardhmes dhe dy Suv-coupé rivale për në treg

Tani ata e dinë që janë së bashku në nisma të ndryshme: në shpërndarjen e makinave, me ShareNow, në konsorciumin Ionity në Here (harta dixhitale) dhe së fundmi, edhe për zhvillimin e përbashkët të sistemeve të inteligjencës artificiale dhe drejtimit autonom. Por, në planin komercial, BMW dhe Mercedes vazhdojnë të shikojnë dhe kontrollojnë njëri-tjetrin dhe pothuajse gjithmonë duke përsëritur çdo lëvizje të kundërshtarit. Mes shumë të rejave, Salloni i Frankfurtit nxori edhe një herë në pah këtë realitet. Dy koncepte që parashikojnë produktet e ardhshme për të dy markat dhe riprodhimet e dy modeleve që janë në pole të kundërta: serinë e tretë të BMW X6 që pati takimin e parë me publikun e gjerë, dhe serinë e dytë të Mercedes GLE Coupé në debutimin botëror.

Për më tepër, udhëheqja e tregut premium është në rrezik. Realisht, është një garë 3-she me Audi-n që ka rolin e një ndjekësi. Vendi i parë në podium shkon për Mercedes që në gjashtë muajt e parë të 2019-ës realizoi 1.134.729 shitje makinash të reja. E ndjek më pas BMW me 1.075.959 shitje dhe në vend të tretë Audi me 906.180 automjete.

Në Evropë, GLE Coupé (modeli i ekspozuar në Sallonin e Frankfurtit që do të jetë në shitje në muajin Shkurt 2020), po përgatitet të nxjerrë në pension duke kërcënuar nga afër modelin X6 që gjendet në koncesionarë që prej Nëntorit 2019. 2.754 klientë të rinj të Mercedes në gjashtë muajt e parë të 2019 kundrejt 2.949 të modelit bavarez Suvcoupé. Prodhimet e reja sjellin më shumë karta në tavolinë. BMW është e pasuruar me versionin M50i (me 4.4 V8 me 530 kuaj fuqi dhe moment përdredhës maksimal 750 Nm), përqendrohet në teknologjinë e lartë, duke filluar me impiantin e ri dixhital, asistentin inteligjent personal, azhornimet software over-the-air, mundësinë për të hapur makinën me smartphone (të pajisur me teknologji Nfc), për të përfunduar te sistemet e sigurisë Adas, të pasuruar me ndihmësin në shmangien e këmbësorëve. Mercedes ka Mbux të gjeneratës së fundit, që zëvendëson motorin turbodiesel V6 me 6 cilindra në linjë (nga 272 në 330 kuaj fuqi), ku i shtohet edhe versioni Mercedes-AMG GLE 53 Coupé i pajisur me gjashtë cilindra në linjë, benzinë 3.0 me 435 kuaj fuqi me sistem hibrid të butë me 48 volt dhe kambio 9G.

STRATEGJI TË NDRYSHME

Nëse sot kemi këto modele, të dy prototipat tregojnë drejtimit për të ardhmen. BMW Concept 4 parashikon linjat e dy modeleve, si të Serie 4, ashtu edhe të i4, makinës 100% elektrike që do të dalë në treg në 2021-in. Në këtë mënyrë rikonfirmohet drejtimi strategjik i kompanisë së Mynihut, ndarjen e platformave midis modeleve termike dhe atyre me bateri. Manifesti programues i kompanisë rivale është EQS, e cila inauguron arkitekturën e parë të Mercedes dedikuar EV. Do të kthehemi për ti trajtuar sërish këto dy çështje.

Leave a Reply

Your email address will not be published. Required fields are marked *