Pas modeleve Kodiaq dhe Karoq, vjen i treti Suv nga kompania çeke e prodhimit të makinave. Është pak më i gjatë se kushërirat Volksëagen dhe Seat dhe dallon për komoditetet optimale në kabinë. Është disponibël edhe me gaz
Model Suv, kompakt, i lidhur dhe me kompletim të sistemeve Adas. Janë këto cilësitë e spikatura të Kamiq, model i fundit i markës Skoda për të tërhequr edhe ky një hapësirë vëmendjeje në segmentin gjithnjë e më të mbushur të modeleve B-Suv. Është realizuar në platformën Mqb-A0, e mbështetur nga Volkswagen T-Cross dhe Seat Arona. Është gati një pëllëmbë më e gjatë krahasuar me dy kushërirat (4,24 m gjithsej) duke ofruar kështu më tepër hapësirë në bord (të paktën sipas prodhuesit). Duke pritur provën tonë në rrugë që do të ratifikojë funksionimin, vendosëm ta fillojmë testimin e udhëtimit si pasagjer, ulur në sediljet e pasme, mbrapa një shoferi të gjatë 1,85 m. Ato centimetra që kishim në dispozicion përpara gjunjëve, konfirmonin punën optimale të projektuesve dhe të siguronin për një sallon me të vërtetë shumë komod. Bagazhi me volum 400 litra mund të rritet deri në 1.395. Të vjen keq për mungesën e një sediljeje palosëse që do ta rriste shumanshmërinë e hapësirës së automjetit.
ADAS NË GOGO
Në rrugë, modeli 1.0 TSI me 116 kuaj fuqi i pajisur me kambio manuale me gjashtë raporte (disponibël edhe një Dsg me shtatë marshe) tregon një karakter brilant edhe në udhëtimet e gjata. Ky nuk i lë asgjë mangut makinave me motorë më të fuqishëm, përveç një uturime motori kur arrin xhiro të larta. Edhe në rrugë me kthesa të forta, modeli Kamiq gjithmonë ruan qetësinë e vet në saj të kontrollit Sport Chassis, prezent në makinën që drejtuam, e cila parasheh një ulje të pajisjeve prej 10 milimetrash. Ndihesh mirë edhe në timonin e versionit 1.0 TSI, 95 kuaj fuqi dhe moment përdredhës maksimal 175 Nm, e pajisur me kambio manuale me pesë raporte, që mund të jetë zgjedhja e goditur për ata që e përdorin makinën kryesisht në qytet, pavarësisht nga mungesa e dopio freksionit. Për të gjitha versionet e Skoda Kamiq, oferta e sistemeve të sigurisë Adas është e kompletuar duke filluar me kontrollin cruise aktiv (deri në 210 km/h), me asistencën në ruajtjen e korsisë dhe me frenimin emergjent. Është përfunduar në tetor dhe doli në shitje në nëntor. Modeli Kamiq, përveç versionit 1.0 G-Tec me gaz dhe 90 kuaj fuqi, mund të jenë edhe versionet 1.5 TSI me 150 kuaj fuqi dhe 1.6 TDI me 116 kuaj fuqi.
1.0 TSI STYLE
Të dhëna teknike
Motori
- L3 turbobenzinë
- Cilindrata 999 cm³
- Fuqia maksimale 85 kW (116 kf) në 5.000 xhiro/min
- Momenti përdredhës maksimal 200 Nm në 2.000 xhiro/min
Transmisioni
- Traksion në rrotat e para
- Kambio manuale me 6 marshe
Performanca
- Shpejtësia maksimale 194 km/h
- 0-100 km/h 9,9 s
- Përshkueshmëria mesatare 18,8 km/l
Përmasat dhe pesha
- Hapi 265 cm
- Gjatësia 424 cm
Gjerësia 179 cm
Lartësia 153 cm
- Pesha, e padeklaruar
Çmimi
- i padeklaruar
