AutoClub

Një shekull automotorizim shqiptar, tre ditë festë në Tiranë

Festë, ekspozim makinash të vjetra, muzikë jazz & swing dhe mijëra vizitorë dhe të apasionuar pas automjeteve, shijuan tri ditë të veçanta në Tiranë. Në kuadër të festimit të 20-vjetorit të DPSHTRR-së dhe mbi 1 shekull automotorizim shqiptar (105-vjet nga regjistrimet e para të automjeteve në Shqipëri), si dhe themelimit të të parit Regjistër Zyrtar RETRO të mjeteve shqiptare me interes historik, DPSHTRR organizoi në datat 1-3 Nëntor 2019 një sërë aktivitetesh të cilat evokojnë në retrospektivë të djeshmen e automotorizimit shqiptar, festojnë konsolidimin dhe rifitimin e kredibilitetit nga DPSHTRR sot, si institucion kombëtar në vitin e kthesës historike dhe përmirësimet e ndjeshme të cilësisë së shërbimeve të transportit rrugor për qytetarët, duke shpalosur horizontin dhe perspektivën për nesër. Në njoftimin e saj, DPSHTRR shkruan: “Ekspozimi i dhjetëra mjete historike të koleksionit RETRO, linja muzeale e arkivave, fotografive të vjetra, dokumenteve e artefakteve shekullore të automotorizimit në Shqipëri, si pjesë e këndit RETROspektivë, muzikë Swing & Jazz, biseda të ngrohta e foto të bukura mes miqsh, na shoqëruan në mbrëmjen e 1 Nëntorit në Pallatin e Brigadave. Në Ceremoninë Jubilare, u nderuam nga prezenca e veçantë dhe fjala përshëndetëse e Ministres së Infrastrukturës, Znj. Belinda Balluku, si dhe nga Kryeministri i Republikës së Shqipërisë, Z. Edi Rama. Në datën 2-3 Nëntor u realizua një paradë e parë e mjeteve historike drejt sheshit “Skënderbej”, aty ku së bashku me mjete të tjera historike të transportit rrugor u ekspozuan për t’u admiruar nga afër për publikun. Fundjava kulmoi në mbrëmjen e së Shtunës me një koncert festiv nën ritmet jazz & swing”.

 

Ja ku gjendet Statusi i mjeteve RETRO

DPSHTRR dhe Retro.al njoftojnë të gjithë koleksionistët që kanë një mjet të vjetër që kanë ruajtur parametra si: mjeti ka mbi 30 vjet prodhim, ka ruajtur origjinalitetin dhe prezantimin, është potencialisht brenda kritereve për regjistrimin në Regjistrin Zyrtar RETRO, të kryejnë pagesën e Taksës Vjetore të Mjeteve të Përdorura (TVMP) e cila i përket vitit kalendarik 2019. Detyrimet e mbartura të jenë shlyer brenda datës 31 Dhjetor 2019 për të vijuar me çregjistrimin e përkohshëm, në mënyrë që të mos taksoheni edhe me detyrime për vitin 2020 në vijim. Udhëzimet paraprake mbi kushtet dhe kriteret për Statusin e Mjeteve RETRO gjenden online në faqet zyrtare: www.retro.al dhe www.dpshtrr.gov.al.

 

Çfarë përfitoni nga xhamat e errësuar

Zyrtarizohet së fundmi e drejta për të errësuar xhamat e mjeteve. Megjithatë kjo e drejtë do të bazohet mbi kritere cilësie e sigurie në përputhje me dispozitat ndërkombëtare. “Masa e lejimit të errësimit të xhamave, së bashku me servise të specializuara dhe të certifikuara, janë të shpjeguara qartësisht te faqja zyrtare: www.dpshtrr.gov.al. Kujdes! Çdo ndryshim i mëvonshëm që bie ndesh me kuadrin ligjor dhe me certifikatën e lëshuar nga DPSHTRR, ngarkon me përgjegjësi pronarin/poseduesin e mjetit!”, thuhet në njoftimin e DPSHTRR-së.

Cilat janë përfitimet e errësimit të xhamave?

  • Bllokojnë rrezet UV/IR me rrezik për shëndetin!
  • Mbrojtje në raste thyerje xhami!
  • Freski në ditë të nxehta!
  • Shikim më i mirë kundër vezullimit!
  • Jetëgjatësi e interioreve!
  • Eko-konsum, kursim, ulje e ndotjes!
  • Mbrojtje nga hajdutë kuriozë!
  • Privatësi e komoditet!

Leave a Reply

Your email address will not be published. Required fields are marked *