Gjenerata e gjashtë e Corsa-s është e re në çdo detaj, nga arkitektura Cmp, e njëjtë me kushërirën Peugeot 208, te motorët dhe infotainment
Akti i gjashtë i sagës Opel Corsa që ka nisur në 1982 është një realitet. Pas versionit “e” me bateri (50 kWh, 330 kilometra autonomi dhe 136 kuaj fuqi), për të cilën kemi folur gjerësisht në numrin e korrikut, tashmë debuton versioni termik me benzinë, 1.2 me 75 kuaj fuqi dhe turbo 1.2, 3-cilindërsh në versionet me 100 dhe 130 kuaj fuqi. Gjithashtu, është edhe modeli me naftë 1.5 me 100 kuaj fuqi. Për sa i përket kambios, janë në dispozicion ajo manuale me pesë dhe shtatë raporte, përveç asaj automatike me tetë raporte me paddle në timon.
KUJDES I MADH
Është zhvilluar mbi bazën e platformës modulare Cmp, e përbashkët me Peugeot 208, makina gjermane ka adoptuar teknologji dhe sisteme të grupit. Është në rritje dhe tashmë gjatësia ka mbërritur në 4,06 metra. Krijimi i ri sjell një reduktim të konsiderueshëm të peshës, për më tepër që në versionin “entry level”, (shoferi i përjashtuar) peshon vetëm 980 kile, 108 më pak se aktualja. Duhet falënderuar edhe sistemi i drejtimit.
KONCEPTI I CUPRA
VIZION PËR BATERINË
Pas Formentor, Cupra vazhdon në rrugën e modeleve me rrota të larta, duke parashikuar disa forma të një koncepti sportiv plotësisht elektrik. Prototipi që u shfaq në Sallonin e Frankfurtit në shtator, krijon një pamje të stilit të së ardhmes të markës spanjolle.
BENTLEY EXP 100 GT
E ARDHMJA JESHILE
Për 100-vjetorin e tij, Bentley ka menduar të bëjë një dhuratë duke parë nga e ardhmja. Dhe rezultati është një model tërësisht elektrik Exp 100 GT që do lindë përpara 2035-ës. Një linjë me dredha dhe elegante është e pajisur me dyer 2 metra dhe një bisht aerodinamik. E gjatë 5,8 metra dhe e gjerë 2,4, Exp 100 GT është realizuar me alumin dhe fibra karboni. Katër njësi elektrike që ofrojnë moment përdredhës maksimal 1.500 Nm dhe që shkon nga 0-100 km/h në më pak se 2,5 sekonda.
