Kamiq është modeli më i ri me “rrota të larta” i Skoda-s, si dhe më e vogla e grupit VW. E realizuar mbi platformën Mqb A0, ajo pritet të jetë e gjerë dhe e përshtatshme për një familje, përveç faktit se është e mirë pajisur për sa i përket aspektit dixhital
Ligji “KQ” mbretëron suprem mbi modelet me rrota të larta të Skodas. Pas modeleve Karoq dhe Kodiaq, në fakt, tani është radha e modelit të vogël Kamiq. Në të vërtetë, bëhet fjalë për një makinë të vogël crossover, të realizuar mbi platformën Mqb A0 – njësoj si motra e saj Scala – dhe që duhet të dalë në debutim nga fundi i vitit. Me një gjatësi prej katër metrash e 25 cm dhe me hap 2.65, Kamiq premton të jetë e bollshme dhe me instrumente dixhitalë të përditësuar, si Virtual Cockpit 10.25 inç dhe tableti qendror i varur, pa harruar nevojat familjare, me një bagazh 400 litra. Por versioni i tretë me “rrota të larta” i Skodas, gjithashtu spikat edhe për dizajnin rinor, duke filluar nga pjesa e përparme me kofano të fuqishme dhe fenerët Led me dy nivele. Lartësia nga toka është ajo e duhura dhe pamja më shumë si crossover se sa off-road (e rezervuar për versionin Scout, i cili do të arrijë në të ardhmen), i japin makinës karakter. Ajo do të jetë gjithashtu e pajisur me sistemet më të fundit të asistencës në drejtim dhe me pjesën më të madhe të motorëve të planifikuar për modelin Scala.
FORMENTOR CONCEPT
DO TЁ JETЁ CROSSOVER, CUPRA E PARЁ E VЁRTETЁ
Ёshtë ende në fazën e prototipit, por koncepti Formentor duket praktikisht përfundimtar. Një vit pas prezantimit të versionit “të egër” të Atecas, Cupra tregon se si do të jetë modeli i saj i parë i projektuar për këtë rast. Një crossover-coupé, e cila në fazën e konceptit, shikon përpara për sa i përket zgjedhjes së motorit, duke menduar përdorimin e një motori hibrid plug-in me benzinë, 245 kf, të kombinuar me kambion Dsg: në praktikë, pararendësja e vërtetë e gamës së elektrifikuar të markës. Falë një baterie të aftë, modeli Formentor është në gjendje të ecë në modalitet elektrik deri në 50 km (cikli Wltp). Linja elegante, e theksuar nga ije të holla dhe shpatulla të fuqishme, gjen tek bishti, pjesën e vet më personale, falë spoilerit të madh, dritares së pasme të pjerrët dhe difuzorit që integron shkarkimet e dyfishta.