Zyrtarisht është e tillë, por në të vërtetë, modeli e Prototype është shumë i ngjashëm me versionin e prodhimit, që në fakt, do të mbërrijë në treg në fund të vitit, duke sjellë në debutim një platformë të paparë me traksion elektrik
Sugjestionimet që ngjall modeli Honda e Prototype kanë shije retro, çështje formash, të pastra dhe minimaliste, pa linja të zhurmshme dhe të tepërta. Frymëzimi vjen nga modeli N360, makina e vogël kei dyvëllimshe, e prodhuar për tregun japonez në periudhën 1967-1972. Sidoqoftë, kujdes, mos u mashtroni nga citimet historike: nuk bëhet fjalë thjesht për revival. Një gjë të tillë e dëshmon një platformë e sofistikuar me traksion 100% elektrik, një dritare për të ardhmen e kompanisë. Dhe, pavarësisht nomenklaturës, ky model Honda as nuk mund të konsiderohet si një prototip në kuptimin e ngushtë të fjalës: në fakt, ajo do t’i japë jetë pa modifikime të mëdha një makine rreth katër metra të gjatë, e cila do të dalë duke filluar nga fundi i vitit dhe që do të hapë rrugën për të tjera modele me emisione zero.
PASQYRA E PASME NUK ЁSHTЁ MЁ
Synimet strategjike të lidhura ngushtë me konceptin EV të paraqitur në Sallonin e vitit 2017 në Frankfurt, nga të cilat e Prototype përfaqëson përmbushjen e plotë: në rrugën drejt linjave të montimit, tani gjejmë pesë dyer, siç dëshiron tregu, si dhe pasqyrat e pasme dixhitale. Kush e di nëse konfirmohen edhe gomat Michelin Pilot Sport 4, të madhësisë 205/45R17 në pjesën e përparme dhe 225/45R17 në atë të pasme.
Mungon emri përfundimtar dhe detajet mbi kredencialet teknike: megjithëse, ndër siguritë, mund të përmendim suspensionet e pavarura dhe motorin e lidhur me rrotat e pasme, të ushqyer nga një bateri e instaluar nën dysheme, për të mbajtur qendrën e gravitetit sa më të ulët të jetë e mundur.
Le të ndalojmë në pikën më të rëndësishme, që është autonomia: ajo do të arrijë në mbi 200 kilometra të homologuara në ciklin Wltp. Pak? Kjo varet nga këndvështrimi. Ai i projektuesve japonezë është se automjeti është i lindur kryesisht për lëvizje urbane, pra të shkurtra, që janë më të pajtueshme me infrastrukturën aktuale të karikimit. Për më tepër, me shtyllat e karikimit të shpejtë, është e mundur të ngarkohet 80% e baterisë në rreth gjysmë ore. Për të mos përmendur, një detaj jo të parëndësishëm, se një akumulator më i vogël lejon të mbajë peshën (pra, për rrjedhojë, të përmirësojë kënaqësinë në drejtim), përveç faktit që edhe lista e çmimeve duhet mbajtur nën kontroll.
JO MESAZHE
Fenerët janë Led. Krahasuar me konceptin 2017, janë eliminuar ekranet ballorë që shfaqnin mesazhet.
Kroskoti dallon nga pastërtia e linjave horizontale dhe rreshtin e ekraneve të dedikuara me instrumente me system infotainment të lidhur. Priza e karikimit është e fshehur nën një oblo të vendosur nën kofano, ndërsa dorezat e dyerve janë të integruara në karroceri. Fotoja e madhe: pasqyrat e pasme janë zëvendësuar me kamera të lidhura me ekranet e brendshme.
IED E TOMO CONCEPT
PROJEKTE TЁ REJA
Në Gjenevë është i pranishëm një tjetër propozim Honda, i cili megjithatë flet italisht. Bëhet fjalë për Tomo, një koncept elektrik, rezultat i një projekti teze, të zhvilluar nga 13 studentë të Ied të Torinos dhe realizuar në bashkëpunim me Honda Design. Shtëpia japoneze kishte kërkuar të punonte për idenë e një mjeti transporti të përshtatshëm për të rinjtë, me një horizont që tani e deri në vitin 2025. Kështu lindi Tomo (që në japonisht do të thotë “mik”), pak coupé dhe një pak mini pick-up, 3.99 metra e gjatë, 1.56 e lartë dhe me hap 2.69 metra. Pamja është urbane dhe country së bashku, për të theksuar prirjen e saj si utilitare dhe për kohë të lirë. Kabina është moderne, e pasuruar nga shumë teknologji, mes ekraneve dhe atij heed-up në xham. Qëllim i projektit: të tërheqë interesin e atyre që duan të gëzojnë makinën 360 gradë duke respektuar mjedisin.
