Modeli i vogël crossover është rinovuar, dhe, në një segment gjithmonë e më shumë të populluar, po luan kartën e traksionit integral. I shkëlqyer motori 1.5 turbo benzinë, me 125 kf
Ford-i i ri EcoSport paraqitet në treg me linja që të kujtojnë edhe më shumë si-motrat e mëdha Kuga dhe Edge, por me derën që mbetet me hapje anësore. Të larmishme risitë edhe brenda, ku tek versioni top i gamës ST-Line, spikat një ekran me prekje 8 inç. Lamtumirë, pra, ekranit të vjetër, të vogël, të futur tek paneli drejtues: tani të gjitha funksionet janë më të arritshme dhe sistemi pranon lidhjen me Apple Car Play dhe Android Auto. Brenda kofanos, gjejmë motorin turbodiesel 1.5, Ecoblue, me 125 kf, që në këtë version të ri, fiton pesë kf më shumë: i shkëlqyer dhe i shpejtë në përgjigje, ai shtyn që në fillim dhe nuk duket shumë i zhurmshëm. Motori kombinohet me kambion manuale me gjashtë marshe, me levë të shkurtër dhe futje të saktë.
Sistemi i drejtimit, është gjithashtu i gatshëm, gjë që bën që EcoSport të jetë i shkathët edhe në drejtim të përzierë, dhe, falë përmasave kompakte, të jetë makina ideale për t’u përdorur në qendrat historike. Siç u përmend, së fundmi, ajo mund të jetë e pajisur me traksion integral, karakteristikë që së bashku me korsa më të shkurtra dhe lartësi më të madhe nga toka, i jep mundësinë të përballojë pa problem terrene të thjeshta off-road. Konfigurimet janë tre lloje, me çmime që fillojnë nga 18.750 euro të modelit Plus (çmimet e versioneve 4×4 janë ende për t’u përcaktuar).
1.5 ECOBLUE
DIESEL TITANIUM
Të dhëna teknike
Motori
- L4 cilindra turbodiesel
- Cilindrata 1.499 cm3
- Fuqia maksimale 92 kW (125 kf) në 3.500 xhiro/min
- Momenti përdredhës maksimal 300 Nm nga 1.750 në 2.000 xhiro/min
Transmisioni
- Traksion integral me aktivizim automatik
- Kambio manuale me 6 marshe
Performanca
- Shpejtësi maksimale – e papërcaktuar
- 0-100 km/h – e papërcaktuar
- Konsumi mesatar – i papërcaktuar
Përmasat dhe pesha
- Hapi 252 cm
- Gjatësia 410 cm
- Gjerësia 185 cm
- Lartësia 165 cm
- Pesha – e papërcaktuar
Çmimi
- 26.000 €