Renault Mégane R.S. rrit pritshmëritë falë zgjidhjeve të tilla si katër rrotat drejtuese dhe motorin e Alpineve. Me një ide të ngulitur në kokë: të jetë modeli me rrota të para aktive më i shpejtë në pistën e Nürburgring
Çdo makinë lind me një qëllim: të bëhet më e afta e segmentit të vet, të ketë konsumin më të ulët e kështu me radhë. Për Mégane R.S., rekordi për t’u arritur është krejtësisht i ndryshëm: të jetë modeli me rrota të para aktive më i shpejtë në pistën e Nürburgring. Për të arritur këtë qëllim, Renault Sport ka futur risi të ndryshme. Duke filluar nga motori TCE, 1.8 litra, një motot katër cilindra turbo, i prezantuar tek Alpinet dhe i aftë të nxjerrë 280 kf dhe 390 Nm, me një zonë të kuqe 7.000 xhiro. E ofruar me tre konfigurime të ndryshme – Sport, Cup dhe Trophy, me motor 300 kf – gjenerata e tretë e sportives (pritet pranverën e ardhshme), sjell një risi tjetër për sa i përket boshtit të pasëm, të përshtatur për rastin, duke i vendosur konfigurime specifike, si për rrugë ashtu edhe për pistë. Paketa plotësohet me një sistem drejtimi më të drejtpërdrejtë me 20% dhe një sistem të ri shkarkimi gazrash, të realizuar për të sjellë në mend tonin e makinave rally. Për sa i përket transmisionit, zgjedhjet e ofruara janë dy: kambio manuale me gjashtë marshe (me frena manuale dhe diferencial me rrëshqitje të kufizuar tek varianti Cup) dhe kambio automatike Edc me friksion të dyfishtë me gjashtë marshe dhe funksion launch control.