AutoClub

MAZDA MX-5 RF

Sportivja japoneze tashmë edhe me një version targa. E njëjta skemë mekanike, i njëjti argëtim

 

1.5L Skyactiv-G Exceed

MOTORI – L4 benzinë 1.496 cm3

FUQIA MAKSIMALE – 96 kw (131 kf)

MOMENTI PËRDREDHËS – 150 Nm në 4.800 xhiro/min

TRAKSIONI – rrotat e pasme

KAMBIO – manuale me 6 marshe

0-100 km/h – 8,6 s

KONSUMI MESATAR – 16,4 km/l

PËRMASAT – gjat. 392 – gjer. 174 – lart. 123 cm

PESHA – 1.015 kg

ÇMIMI – 30.200 €

 

Në trembëdhjetë sekonda mbështetëset anësore ngrihen, tavani ndahet në dysh, së bashku me dritaren e vogël të pasme, futen në hapësirën pas sediljeve. Dhe ky model RF (Retractable Fastback), nga coupé transformohet si një spider targa. Ekuilibri i hapësirës dhe harmonia e formave e bëjnë Mazda MX-5 RF vërtetë unike dhe shumë ndryshe nga versioni klasik me tavan të butë. Vështirë të qëndrosh indiferent ndaj hijeshisë së kësaj sportiveje të vogël. Brenda ka hapësirë të mjaftueshme për dy persona po   r jo shumë të gjatë. Në panelin qendror, e ngritur dhe hijerëndë, ndodhet leva e kambios, një aksesor i lartë jo më shumë se dhjetë centimetra. Duke shtuar dhe bllokun e pedaleve, me atë të gazit të fiksuar në pjesën e poshtme dhe dy pedalet e tjera vertikale, duke kompletuar tablonë e përgjithshme: tashmë, duhet vetëm ta provojmë. Me vetëm disa centimetra lart nga toka, kontakti me rrugën është i plotë, i gjallë dhe fizik. Motori me katër cilindra përgjigjet mjaft mirë. Pavarësisht se në regjime të ulëta është pak dembel, kur kalon 4.000 xhiro çlirohet duke shkuar menjëherë në zonën e kuqe të matësit të xhirove (fuqia maksimale është 7.000 xhiro/min, e kufizuar deri në 7.500).

Progresioni, i përfituar nga raportet e shkurtra të kambios, është i jashtëzakonshëm për një version 1.5 litra: RF-ja shënon një 0 në 100 km/h në vetëm 8.6 sekonda. E shkathët dhe e lehtë, futet nëpër kthesa me thjeshtësinë më të madhe.

Timoni është i shpejtë, jo tamam progresiv, por i shpejtë, pikërisht ajo që duhet për ta kontrolluar më së miri në çdo lloj situate. Fuqia nuk është shumë e lartë, por me një masë prej 1.015 kg (40 më shumë se varianti spider) kënaqësia në drejtim është e sigurt.

 

Leave a Reply

Your email address will not be published. Required fields are marked *