Në versionin e ri All-terrain, modeli i madh station-wagon i Shtutgartit, mund të nisë aventurën edhe si fuoristradë, ndonëse me shumë kujdes
E 220 d All-terrain
MOTORI – L4 turbodiesel 1.950 cm3
FUQIA MAKS. – 143 kW (194 kf)
MOMENTI PËRDREDHËS – 400 Nm në 1600 xhiro/min
TRAKSIONI – integral
Kambio – automatike më 9 marshe
0-100 km/h – 8.0 s
KONSUMI MESATAR – 19.2 km/l
PËRMASAT – gjat. 495 – gjer. 186 – lart. 150 cm
PESHA – 1.920 kg
ÇMIMI – (tregues) duka filluar nga 60.000 euro
QË NGA PRANVERA E ARDHSHME, gama e Mercedes-Benz E-Class do të pasurohet me versionin All-terrain: një model station-wagon me prirje fuoristrade, e theksuar kjo e fundit nga karakteristika estetike shumë të gjetura. Por, duhet thënë që në fillim, se qenia fuoristradë nuk është që i përket edhe aq, kjo sidomos për faktin e këndeve të poshtëm, të cilët ndonëse të përmirësuar në momentin kur sustat e ajrit arrijnë lartësinë maksimale (pajisja e serisë Air body control, lejon të arrijë deri në 15.6 cm nga toka), janë më pak të favorshëm se ato të modelit GLE (thënë kjo për të qëndruar po tek Mercedes). Nga ana tjetër, shpërndarja e konsiderueshme e raporteve me marshe nga i pari tek i nënti të kambios automatike 9G-Tronic dhe shpërndarësi inteligjent me ndarje të momentit përdredhës 45/55 mes boshtit të përparmë dhe atij të pasmë, lejojnë ecjen si me këmbë në rrugë të vështira, për të kaluar pastaj tek zhdërvjelltësia spikatëse kur rikthehet në asfalt: në më shumë se 35 km/h, lartësia nga toka kthehet automatikisht në atë të rrugës, duke përzgjedhur modalitetin Sport (një nga pesë programet e pajisjes Dynamic select), 194 kf e motorit, dy litra naftë, shasia e mirë ekuilibruar dhe përgjigja e shpejtë – por asnjëherë e vrazhdë – e kambios, garantojnë një performancë për t’u respektuar. Sigurisht, modeli E-Class All-terrain, mbetet në kujtesë më shumë për rehatinë se sa për sportivitetin, por sidoqoftë cilësitë e tij dinamike janë për t’u lavdëruar: drejtimi i saktë dhe frenimi i ekuilibruar, japin siguri edhe kur shpejtësia është e madhe. Për t’u përmendur në fund, se motorit 2.0 me katër cilindra do t’i bashkohet më vonë edhe një i ri me gjashtë cilindra, gjithmonë turbodiesel, tre litra prej 313 kf.
LEXUS LC
Modeli japonez gran turismo i ka shtuar transmisionit hibrid klasik të Toyota-s, një kambio të re automatike me katër marshe
500h
MOTORI – V6 3.456 cm3
FUQIA MAKS. – 220 kW (299 kf)
MOTORI ELEKTRIK – 132 kW (179 kf)
FUQIA E SISTEMIT – 264 kW (359 kf)
TRAKSIONI – në rrotat prapa
KAMBIO – automatike e-Cvt me 10 marshe
0-100 km/h – 4,7 s
KONSUMI MESATAR – i papërcaktuar
PËRMASAT – gjat. 477 – gjer. 192 – lart. 135 cm
PESHA – 1.985 kg
ÇMIMI – i papërcaktuar
MERRNI modelin Lexus LC, një coupé luksoze me dizajn origjinal dhe kabinë të përkryer deri në detaje, të paraqitur në fillim të vitit 2016, hiqini motorin 5.0 V8 me 471 kf dhe vendosini motorin 3.5 V6 me 299 kf si dhe transmisionin hibrid të Toyota-s. Por, kujdes: jo atë të zakonshmin, të përsosur për drejtim krejtësisht të heshtur në trafik, por të papërshtatshëm për modelin gran turismo kur i shkelet gazi fort, për shkak të mungesës së raportit linear midis pedalit të gazit dhe përgjigjes së motorit, tipik i këtij lloj motori. Zgjidhja e projektuar (foto më poshtë) nga teknikët japoneze për modelin e ri LC 500h është në fakt shtimi (në vazhdën e e-Cvt) i një kambioje automatike me katër marshe, nga të cilat tre të parët përdoren deri në shpejtësinë maksimale, ndërsa i katërti është shumë i gjatë, overdrive. Jo vetëm kaq: nëpërmjet njësisë së kontrollit të e-Cvt, realizohen edhe tre marshe “elektrike”, duke kontrolluar shpejtësinë e rrotullimit të dy motorëve/gjeneratorëve; dhe secili prej tyre mund të çiftohet me një prej tre marsheve mekanikë, për një total prej nëntë marshesh, së cilave iu shtohet i katërti i sipërpërmendur, si marshi i dhjetë dhe i fundit. Rezultati është pozitiv: gjatë drejtimit në qytet, modeli LC sillet si çdo hibrid tjetër Lexus; atij i vlerësohet qetësia dhe rehatia e garantuar nga suspensionet me amortizatorë me kontroll elektronik, por në rrugë të hapur, mjafton të shkelësh fort gazin për të vënë re ndryshimin. Shigjeta e takimetrit rritet në mënyrë lineare, ndërsa shpejtësia shtohet gradualisht, dhe kur është pranë zonës së kuqe, motori merr një pushim të shkurtër, ul fare pak xhirot e më pas riniset fuqishëm. Edhe zhurma e motorit V6 nuk është aspak keq, ajo të shtyn ta ngasësh me më shumë entuziazëm, gjë që ndihmohet nga timoni, i gatshëm dhe i saktë, si edhe nga shasia me aks të pasëm të pajisur me kthim automatik.
RENAULT TWINGO GT
E shkathët dhe e gjallë, francezja e vogël është mjaft frymëzuese
GT
MOTORI – L3 turbobenzinë 898 cm3
FUQIA MAKS. – 82 kW (110 kf)
MOMENTI PËRDREDHËS – 170 Nm në 2.000 xhiro/min
TRAKSIONI – në rrotat prapa
KAMBIO – manuale me 5 marshe
0-100 km/h – 9,7 s
KONSUMI MESATAR – 19,2 km/l
PËRMASAT – gjat. 360 – gjer. 165 – lart. 153 cm
PESHA – 935 kg
ÇMIMI – 15.600 €
VETЁM PAK I MJAFTOI modelit Twingo, për t’u bërë një sportive e vërtetë. Konfigurimet elektronike të dedikuara dhe marmita dyshe i kanë dhënë 20 kf shtesë, ndërsa shasia 20 mm më e ulët dhe 40% më e fortë, pa kompromentuar thithjen, i kanë theksuar shkathtësinë natyrore: me diametër kthimi vetëm 8.6 metra, modeli rrotullohet pak a shumë tek vetvetja. Raportet e shkurtër favorizojnë nisjen, me të vërtetë mjaft të mirë, edhe pse një manovrim më pak “xhelatinoz” i kambios do të ishte zgjidhje më e kënaqshme. Puna e motorit është lineare, pa turbolag, dhe zhurma e tij mjaft e këndshme. Gomat më të mëdha ndihmojnë, krahasuar me modelet e tjera Twingo, në uljen e ndjeshmërisë ndaj erërave anësore, që sidoqoftë ndihen edhe në këtë model.