AutoClub

HOLLYWOOD VS MARANELLO

“Le Mans 66 – Sfida e madhe” që u shfaq në kinema më 14 nëntor, tregon hakmarrjen e gjigandit Ford ndaj së voglës Ferrari. Një tjetër film me Cavallino-n e përfshirë, por me një rol humbës       Çfarë viti 1966-ta. Grupi Beach Boys nxjerr albumin “Pet Sounds” që shkaktoi një rivalitet artistik me Beatles që kishin publikuar dy kryevepra të historisë së roku-t, “Sgt. Pepper” dhe “The White Album”. Ai vit shënjon edhe kulmin e një tjetër rivaliteti transatlantik, “luftën e katër viteve”, që nga 1963 kishte nisur mes gjigandit Ford ndaj së voglës Ferrari në garën e qëndrueshmërisë për modelet sportive. Filmi “Le Mans 66 – Sfida e madh” që u shfaq në kinema më 14 Nëntor i prodhuar nga 20th Century Fox, është bazuar në librin “Ec si Ferri: Ford, Ferrari dhe lufta e tyre për shpejtësi dhe lavdi në Le Mans” të A.J. Baime. Filmi është përshtatur dhe vendosur në regjistrimin e zakonshëm epik-spektakolar të Hollivud-it me sfondin dhe epilogun e një gare që ka bërë histori. Gjithçka lindi nga acarimi i Henry Ford II që nuk po arrinte dot të blinte një Ferrari, ndërsa kompania edhe pse ishte në vështirësi financiare, dominonte në garat për rrotat e mbuluara. “Le Mans 66” kujton punën e konstruktorit amerikan Carroll Shelby që interpretohet nga Matt Damon dhe pilotit anglez Ken Miles që interpretohet nga aktori shumë i mirë Christian Bale në Fordin GT40 MK2, i cili mbylli në tre vendet e para 34 xhirot e “24 Orëve të Le Mans”. Një provë force që bëri të fitonte garën dhe kampionatin e Golia di Dearborn. Fakti është se Ferrari nuk arriti që të imponohej në skenën e madhe. Natyrisht, amerikanët kanë thikën në anën e dorezës, por Maranello duhet të ketë ndonjë problem me Hollywood. A është e mundur që të rezultojë gjithmonë humbës në filmat më të bukur dedikuar garave? Ka ndodhur në filmin “Grand Prix” të xhiruar në 1966 ku përveç garës përfundimtare, Ferrari humbet edhe nderin, ku Drake i parodizuar nga personazhi Agostino Manetta dhe interpretuar nga Adolfo Celi, është një personazh i keq nga filmi i James Bond. Në 1971 del “Le Mans” me Steve McQueen. Ndërsa, në 2013-ën është radha e “Rush” me duelin Hunt-Lauda. Dikush mund të lexojë një ndjenjë të mbuluar me inferioritet në përballjet e mitit italian Ferrari. Historia është histori, ndërsa filmi trillim. Ndoshta, tani në Maranello duhet të nisin të zënë ndonjë mik në botën e kinemasë. Ata kanë shumë heronj dhe ngjarje për të treguar.

Leave a Reply

Your email address will not be published. Required fields are marked *