Nga Mercedes Benz, Audi, BMW, Volkswagen, Ford dhe shumë marka të tjera ndërkombëtare kanë ekspozuar prodhimet e tyre më të të fundit. Më shumë makina elektrike dhe Suv
Modele të reja, forume me diskutime të ndryshme, rreth 150 mijë vizitorë, ngjyra dhe luks. Salloni i Frankfurtit që është një prej më të mëdhenjve në botë për sa i përket ekspozimit të modeleve të reja të makinave, zhvilloi edicionin e 68-të të tij për dhjetë ditë me radhë, nga 12 në 22 Shtator 2019. Një event i rëndësishëm botëror ku mund të shkojë kushdo dhe të njihet me modelet më të fundit të makinave si edhe të rejat në fushën e automobilizmit.
MODELET E REJA
AUDI ekspozoi mini-crossover Audi A1 Citycarver, RS Q3, të shumëpriturën RS6 Avant, e ndjekur nga një tjetër model, RS7 Sportback. Kompania gjermane bëri të ditur edhe një koncept të veçantë për një Suv plotësisht elektrik të gatshëm për sfidat e së nesërmes. E pranishme gjithashtu edhe Suv-i i ridizajnuar Audi Q7. BMW dërgoi në Frankfurt modelin BMW M3 2020 me 500 kuaj fuqi dhe peshë të reduktuar në 65 kg me kambio manuale. Te stenda e BMW-së u ekspozua edhe super coupé M8, makina më e fuqishme e kësaj marke e prodhuar ndonjëherë. Gjithashtu, e pranishme edhe gjenerata e re e BMW X6. Mercedes-Benz prezantoi në Sallonin e Frankfurtit modelin e ri GLA, Classe A hibride plug-in dhe Suv-in GLB me 7 vende. Në stendë edhe Mercedes EQV dhe Mercedes EQS me këtë të dytën që del në treg me emetime zero. Debutoi në Frankfurt edhe versioni sportiv i Suv-it gjerman, Volkswagen Tiguan R me motor benzine 2 litra, 300 kuaj fuqi dhe moment përdredhës maksimal 410. Në stendë edhe elektrikja Volkswagen ID.3 dhe T-Roc Cabrio. Ky i fundit inauguron serinë CUV (Crossover Utility Vehicle) siç e quan Volkswagen. E ekspozuar në Sallon ishte edhe Porsche Taycan, makina e parë elektrike e kompanisë së Zuffenhausen, ndërsa Skoda kishte Octavian e re edhe hibride. Për tu theksuar edhe ristilimi i Opel Astra, e reja Grandland X Hybrid4 2020 dhe Vibaro Life. Prezente në Frankfurt edhe Lamborghini Sian, supermakina e parë hibride e kësaj kompanie. Land Rover më në fund kishte sjellë modelin e ri Defender, fuoristrada simbol e disponueshme në tre variante të ndryshme karrocerie. Modele të reja në Sallonin e Frankfurtit edhe Hyundai i10 e gjeneratës së tretë. Gjithashtu, edhe Mini Cooper SE, e para Mini elektrike me autonomi 270 km. Seat solli gjeneratën e re të Leon duke përdorur për herë të parë si motorët Hybrid, ashtu edhe plug-in hibrid me 50 km autonomi në pozicionin 100% elektrike. Edhe Ford e pranishme në Sallonin e Frankfurtit me të modelet e reja Kuga dhe Puma.
